विश्वकपमा जाने तयारी गरेका एन्फा अध्यक्ष र महासचिवलाई राखेपको रोक
News Summary
Generated by OK AI. Editorially reviewed.
- राष्ट्रिय खेलकुद परिषद्ले अखिल नेपाल फुटबल संघका पदाधिकारीलाई फिफा विश्वकप २०२६ मा सहभागी हुन विदेश जाने अनुमति दिन अस्वीकार गरेको छ ।
- आर्थिक विषयको छानबिन भइरहेकाले राखेपको सिफारिशमा अध्यागमन विभागले गत वैशाखदेखि नै एन्फाका पदाधिकारीलाई विदेश जान रोक लगाएको थियो ।
- अध्यागमनले राखेपको सिफारिश मागेपछि एन्फा पदाधिकारीहरू आज परिषद् पुगे पनि विदेश जाने बाटो खुला हुन सकेन ।
२५ जेठ, काठमाडौं । राष्ट्रिय खेलकुद परिषद् (राखेप) ले अखिल नेपाल फुटबल संघ (एन्फा) पदाधिकारीलाई विदेश जाने बाटो खुला गर्न अस्वीकार गरेको छ ।
फिफा विश्वकप २०२६ मा सहभागी हुन जाने उद्देश्यले विदेश जान रोक लगाउने निर्णय फिर्ताका लागि एन्फा अध्यक्ष पंकजविक्रम नेम्बाङ र महासचिव किरण राई राखेप पुगेका थिए ।
तर, राखेपले तत्कालको अवस्थामा पदाधिकारीलाई विदेश जाने बाटो खुला गर्न अस्वीकार गरेको सदस्य सचिव रामचरित्र मेहताले जानकारी दिए ।
स्रोतका अनुसार विदेश जाने बाटो खुला गर्न भन्दै एन्फा पदाधिकारीहरू अध्यागमन विभाग पनि पुगेका थिए । तर, अध्यागमनले राष्ट्रिय खेलकुद परिषद् (राखेप)बाट नै सिफारिस लिएर आउन भनेपछि उनीहरू आज राखेप पुगेका हुन् ।
११ जुनबाट सुरु हुने फिफा विश्वकप २०२६ मा सहभागी हुन अध्यक्ष नेम्बाङ र महासचिव राई आजै राति मेक्सिको जानेगरी तयारी गरेका थिए । यद्यपि उनीहरूको प्रयासलाई राखेपले भने रोक लगाएको छ ।
आर्थिक विषयको छानबिनका लागि राखेपको सिफारिसमा अध्यागमन विभागले गत वैशाखमा एन्फाका सबै पदाधिकारीलाई विदेश जान रोक लगाएको थियो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
पुराना
लोकप्रिय
यो पनि
ट्रेन्डिङ
स्थगित चुनावमा एन्फाको झन्डै ५५ लाख खर्च, मुद्दा लड्नै सकियो साढे ९७ लाख
एन्फा पदाधिकारीलाई विदेश जान रोक
वर्षान्त २०८२ : खेलकुदको चर्चा मैदानभित्र भन्दा बाहिर धेरै
नेपालले फिफा सिरिज नखेल्ने, एन्फाले लियो नाम फिर्ता
साधारण सभाका लागि एन्फा कार्यालय बन्द
नेपाल–हङकङ खेलका लागि राखेपले स्वीकृति दिएको छैन : एन्फा
एन्फाको ध्यान मैदानमा कम, निर्वाचनमा बढी
एन्फाविरुद्ध ‘ए’ डिभिजन क्लबहरू नै आन्दोलित (तस्वीरहरू)