खेलकुद – Home

१५ जेठ, काठमाडौं । इरानले अपराजित रहँदै काभा महिला भलिबल च्याम्पियनसिपको उपाधि जितेको छ ।

त्रिपुरेश्वरस्थित दशरथ रंगशाला कभर्डहलमा शुक्रबार भएको फाईनलमा काजखस्तानलाई ३-१ सेटमा पराजित गर्दै इरान लगातार च्याम्पियन बनेको हो ।

सन् २०२४ मा काठमाडौंबाट सुरु भएको यस प्रतियोगिताको पहिलो संस्करणमा इरान तेस्रो स्थानमा सीमित भएको थियो ।

इरानले त्यसपछिको दुई संस्करण अपराजित रहँदै उपाधि जितेर सेन्ट्रल एसियामा आफ्नो प्रभुत्व कायम राखेको छ ।

तस्वीरहरू

Adblock test (Why?)

१४ जेठ, काठमाडौं । जुलियन अल्भारेज अर्जेन्टिनाका फरवार्ड हुन् । सन् २०२२ को फिफा विश्वकप अर्जेन्टिनाले जित्दा अल्भारेज महत्वपूर्ण सदस्य थिए ।

हाल स्पानिस क्लब एट्लेटिको मड्रिडबाट खेल्ने यी उत्कृष्ट फरवार्ड फिफा विश्वकप २०२२ मा एक उच्चस्तरीय वैकल्पिक खेलाडीको रूपमा रुपमा टोलीमा सामेल भएका थिए ।

त्यतिबेला म्यानचेस्टर सिटीका फरवार्ड रहका उनी सुरुमा लाउतारो मार्टिनेजभन्दा पछि परेका थिए । मार्टिनेजले सन् २०२१ मा अर्जेन्टिनालाई कोपा अमेरिका जिताउन महत्त्वपूर्ण योगदान दिएका थिए । अल्भारेजले भने बेन्चमा बसेर आफ्नो पालो पर्खनुपरेको थियो ।

साउदी अरेबियाविरुद्धको पहिलो खेलमा बेहोरेको पीडादायी हार र मेक्सिकोविरुद्धको जितमा वैकल्पिक खेलाडीका रूपमा मैदान प्रवेश गरेपछि, अल्भारेजले पोल्याण्डविरुद्धको समूह चरणको तेस्रो खेलमा सुरुवाती ११ मा मौका पाए । रिभर प्लेट एकेडेमीका यी उत्पादनले उक्त खेलको दोस्रो तथा अन्तिम गोल गरे र त्यसपछि कहिल्यै पछाडि फर्केर हेर्नुपरेन । उनले फाइनलसम्मै आफ्नो स्थान सुरक्षित राखे ।

फिफा विश्वकप २०२६ निकै नजिक आइपुग्दा अल्भारेज र मार्टिनेज दुवै लियोनल स्कालोनीको टोलीमा स्थान बनाउन तयार छन् । अल्भारेज अहिले एथ्लेटिको मड्रिडका मुख्य खेलाडी हुन् भने मार्टिनेज इन्टर मिलानको अग्रपंक्ति सम्हाल्छन् । यसले साविक विजेता अर्जेन्टिनासँग खेलाडीहरूको कति ठूलो भण्डार छ भन्ने देखाउँछ । यद्यपी, अल्भारेजको भूमिकामा केही परिवर्तन आएको छ ।

युरोपमा आफूलाई प्रमाणित गरिसकेका यी फरवार्डले कोन्मेबोल कोपा लिबर्टाडोरेस, युईएफए च्याम्पियन्स लिग र कोपा अमेरिका लगायत जित्न सम्भव लगभग सबै उपाधि जितिसकेका छन् । दक्षिण अमेरिकी छनोट खेलहरूमा उच्च प्रदर्शन गरेपछि २६ वर्षीय खेलाडी अहिले अर्जेन्टिनाका लागि एक स्थापित प्रारम्भिक खेलाडी र टोलीको रणनीतिमा एक महत्त्वपूर्ण हिस्सा बनेका छन् ।

उनको उत्कृष्ट लिंक-अप खेल, आक्रामक प्रेसिङ र सटिक फिनिसिङ यसको मुख्य कारण हो । २०२२ को संस्करणमा क्रोएसियाविरुद्ध सेमिफाइनलमा गरेको स्मरणीय दुई गोलसहित उनले कुल चार गोल गरेका थिए ।

अल्भारेज अहिले आउँदै गरेको विश्वकपमा थप अन्तर्राष्ट्रिय सफलताको सपना देखिरहेका छन् । अर्जेन्टिनाले यसपटक समूह जे मा अल्जेरिया, अस्ट्रिया र जोर्डनसँग प्रतिस्पर्धा गर्नेछ । जुन र जुलाईमा हुने यस खेलकुदको महाकुम्भ अघि फिफासँग कुरा गर्दै अर्जेन्टिनाका यी ९ नम्बरका खेलाडीले आफ्नो महत्वाकांक्षा व्यक्त गरेका छन् ।

साथै कतारमा आफ्नो देशको यात्राको स्मरण गर्दै त्यसयता आफ्नो खेल र भूमिका कसरी परिवर्तन भएको छ भन्नेबारे चर्चा गरेका छन् ।

लाउतारो जस्तो खेलाडीसँग टोलीमा स्थानका लागि प्रतिस्पर्धा गर्नु कस्तो हुन्छ ?

हामी प्रतिस्पर्धी हौं, तर हामी सँगै खेल्ने अवसर पनि पाउँछौं, जुन मेरा लागि खुसीको कुरा हो । जब हामी सँगै मैदानमा उत्रिएका छौं, हामीले राम्रो गरेका छौं र जब हामीमध्ये एकजनाले मात्र मौका पाउँछौं, तब हाम्रो लागि सबैभन्दा महत्त्वपूर्ण कुरा टोलीको हित नै हुन्छ । त्यो आन्तरिक प्रतिस्पर्धाले हामी दुवैलाई हरेक दिन अझ राम्रो हुन र सुधार गर्न मद्दत गर्छ । यो सधैं यस्तै हुन्छ । जब तपाईंसँग बलियो र स्वस्थ प्रतिस्पर्धा हुन्छ, तब सबैको खेल सुध्रिन्छ, जुन सबैभन्दा मुख्य कुरा हो ।

अर्जेन्टिनाको लक्ष्य के हो ?

एक अर्जेन्टिनी हुनुको नाताले, उत्साह सधैं रहिरहन्छ र हामी सधैं च्याम्पियन बन्न चाहन्छौं । यस पटक पनि यो फरक हुनुपर्ने कुनै कारण छैन । हामी फाइनलमा पुग्न चाहन्छौं । हामीलाई थाहा छ यो सजिलो हुने छैन । यसका लागि हाम्रो कडा मिहिनेत आवश्यक छ र खेल ससाना कुराहरूमा निर्धारण हुन सक्छ, तर हामी सकेसम्म राम्रो तयारी गर्नेछौं र प्रत्येक पाइला चाल्नेछौं ।

विश्व च्याम्पियनको रूपमा यस विश्वकपमा प्रवेश गर्नु साँच्चै अविश्वसनीय छ । म निकै गर्व महसुस गर्छु । पक्कै पनि, हामी यो ट्रफी आफूसँगै राख्न र हाम्रा मानिसहरूलाई फेरि एकपटक खुसीले नचाउन चाहन्छौं ।

कतार विश्वकपको तपाईंको सबैभन्दा यादगार क्षण कुन हो ?

म मेक्सिकोविरुद्धको खेललाई रोज्नेछु । मलाई लाग्छ त्यो खेल निकै महत्त्वपूर्ण थियो, किनभने त्यसपछि जे-जति कुराहरू भए र त्यसअघि जे भएको थियो, ती सबैलाई हेर्दा त्यो हाम्रा लागि एउटा मोड थियो । यो साँच्चै टर्निङ प्वाइन्ट थियो । त्यस क्षणपछि सबै कुराहरू ठीक ठाउँमा आए र हामीलाई थाहा भयो कि हाम्रो भाग्य हाम्रै हातमा छ ।

के फेरि विश्वकप जित्नुले यो अर्जेन्टिनाको टोलीलाई अहिलेसम्मकै सबैभन्दा महान् राष्ट्रिय टोली बनाउनेछ ?

यदि हामीले विश्वकपको उपाधि रक्षा गर्न सक्यौं भने, यो इतिहासमा लेखिनेछ किनभने हामी लगातार दुई पटकको विश्व विजेता र सँगसँगै दुई पटकको कोपा अमेरिका विजेता बन्नेछौं । पछिल्ला केही वर्षहरू हाम्रो देशका लागि स्वर्ण युग रहेका छन् । त्यसैले हामी अझ धेरै यस्ता अविश्वसनीय क्षणहरूको आनन्द लिन चाहन्छौं जसले हामी सबैलाई धेरै खुसी दिन्छ ।

यो लियो मेसीको अन्तिम विश्वकप हुन सक्छ । एक टोलीको रूपमा, तपाईंहरू सबैमा उनले पार्नुभएको प्रभावलाई कसरी हेर्नुहुन्छ ?

हामी सबैलाई राम्ररी थाहा छ कि उहाँको उमेरलाई हेर्दा यो लियोको अन्तिम विश्वकप हुन सक्छ, तर अन्त्यमा यो उहाँकै निर्णय हो । यो पक्कै पनि एक विशेष विश्वकप हुनेछ र म यो हाम्रा लागि, उहाँका सहकर्मीहरू र अर्जेन्टिनी जनताका लागि मात्र भनिरहेको छैन, तर उहाँलाई हेर्ने र पछ्याउने संसारका सबैका लागि भन्दैछु, किनकि उहाँ इतिहासकै सर्वश्रेष्ठ खेलाडी हुनुहुन्छ । पक्कै पनि, उहाँले विश्वभर नै एउटा ठूलो प्रभाव छोड्नुभएको छ ।

अहिले टोलीमा स्थापित भइसकेपछि, मैदानमा उत्रँदा थप जिम्मेवारी महसुस गर्नुहुन्छ ?

जब तपाईं यो जर्सी लगाउनुहुन्छ, तपाईं फुटबललाई नै आफ्नो जीवन मान्ने र यसप्रति निकै भावुक भएका सम्पूर्ण देशका जनताको प्रतिनिधित्व गरिरहनुभएको हुन्छ । यो जर्सी लगाउनु र हामीले गरेको कामलाई माया गर्ने धेरै मानिसहरूको प्रतिनिधित्व गर्न पाउनुले मलाई गर्वले भर्छ । यो एउटा जिम्मेवारी पनि हो, तर हामी सबै यो काम माया र जोसका साथ गर्छौं ।

२०२२ यता तपाईं एक खेलाडीको रूपमा कसरी परिवर्तन हुनुभएको छ ?

म भन्दिनँ कि २०२२ यता मेरो खेल्ने शैलीमा धेरै परिवर्तन आएको छ, तर मैले केही नयाँ रणनितिहरू सिकेको छु र केही क्षेत्रमा सुधार गरेको छु । पछिल्ला केही वर्षहरूमा मैले खेलेका धेरै खेलहरूका कारण मसँग अहिले बढी अनुभव छ । सबैभन्दा ठूलो कुरा, यो जर्सी लगाउनाले तपाईंलाई छुट्टै ऊर्जा र हौसला दिन्छ र समयसँगै तपाईँ आफैँलाई थाहा नभई तपाईंमा सुधार आउँदै जान्छ ।

Adblock test (Why?)

१३ जेठ, काठमाडौं । राजस्थान रोयल्स आईपीएल २०२६ को दोस्रो क्वालिफायरमा प्रवेश गरेको छ । बुधबार भएको इलिमिनेटर खेलमा सनराइजर्स हैदराबादलाई ४७ रनले हराउँदै राजस्थान फाइनलको एक कदम नजिक पुगेको हो ।

राजस्थानले दिएको २४४ रनको लक्ष्य पछ्याएको हैदराबाद १९.२ ओभरमा १९६ रनमा अलआउट भयो । हैदराबादका लागि नितिश रेड्डीले ३८, सलिल अरोराले ३५ तथा इशान किशनले ३३ रन बनाए ।

राजस्थानका जोफ्रा आर्चरले ३ विकेट लिँदा नान्द्रे बर्गर, सुशान्त मिश्रा र रविन्द्र जडेजाले २-२ तथा यश राज पुन्जाले १ विकेट लिए ।

त्यसअघि टस हारेर पहिले ब्याटिङको निम्तो पाएको राजस्थानले २० ओभरमा ८ विकेट गुमाएर २४३ रन बनाएको थियो । वैभव सूर्यवंशीले आक्रामक ब्याटिङ गर्दै २९ बलमा ९७ रन बनाए ।

वैभवले १२ छक्का र ५ चौका प्रहार गरे । उनले क्रिस गेलको एकै सिजनमा सर्वाधिक छक्काको कीर्तिमान समेत तोडे । गेलले सन् २०१२ को आईपीएलमा ५९ छक्का प्रहार गरेका थिए । सूर्यवंशीको यो सिजन ६५ छक्का भइसकेको छ ।

सूर्यवंशीपछि ध्रुव जुरेलले पनि आक्रामक ब्याटिङ गर्दै २१ बलमा ५० रन बनाएर आउट भए । यशश्वी जैसवालले २९ तथा कप्तान रियान परागले २६ रन बनाए ।

हैदराबादका लागि प्रफुल हिंगेले ३ विकेट लिँदा इशान मालिङ्गा, शिवाङ्ग कुमार र नितिश रेड्डीले १-१ विकेट लिए ।

राजस्थानले अब फाइनल प्रवेशका लागि गुजरात टाइटन्ससँग खेल्नेछ । हैदराबाद भने बाहिरिएको छ ।

Adblock test (Why?)

१० जेठ, काठमाडौं । इंग्लिस प्रिमियर लिग फुटबलमा सन्डरल्यान्डले चेल्सीलाई २-१ गोलअन्तरले पराजित गरेको छ ।

आइतबार राति भएको सिजनको अन्तिम खेलमा सन्डरल्यान्डको जितमा ट्राइ हुमले एक गोल गर्दा एक गोल उपहार पाएको थियो। चेल्सीका कोल पाल्मरले एक गोल गरे ।

खेलको २४औं मिनेटमा हुमले गोल गर्दै सन्डरल्यान्डलाई अग्रता दिलाएका थिए । ४९औं मिनेटमा चेल्सीका मालो गस्टोबाट आत्मघाती गोल भएपछि सन्डरल्यान्डको अग्रता दोब्बर भयो ।

५५औं मिनेटमा पाल्मरले गोल गर्दै खेलमा फर्काउने प्रयास गरेपनि पर्याप्त हुन सकेन । ६१औं मिनेटमा वेसले फोफाना रातो कार्ड पाउँदै मैदानबाट बाहिरिएपछि चेल्सी १० खेलाडीमा सीमित भएको थियो ।

जितपछि सन्डरल्यान्ड ३८ खेलमा ५४ अंकका साथ सातौं स्थानमा रहेर सिजन सकायो । चेल्सी ५२ अंकसहित १०औं स्थानमा रह्‍यो ।

Adblock test (Why?)

१० जेठ, काठमाडौं । इंग्लिस प्रिमियर लिग च्याम्पियन आर्सनलले सिजनको अन्तिम खेलमा क्रिस्टल प्यालेसमाथि २-१ गोलअन्तरको जित हासिल गरेको छ ।

प्यालेसको मैदानमा भएको खेलमा आर्सनलका लागि ४१औं मिनेटमा गाब्रियल जेससले गोल गर्दै अग्रता दिलाएका थिए ।

४७औं मिनेटमा नोनी माडुएकेले गोल गर्दै अग्रता दोब्बर पारे । प्यालेसका जिन फिलिपे माटेटाले सान्त्वना गोल फर्काए ।

जितपछि आर्सनलको ३८ खेलमा ८५ अंक भयो । प्यालेस भने ४५ अंक जोडेर १५औं स्थानमा फिनिस गर्‍यो ।

Adblock test (Why?)

९ जेठ, काठमाडौं । कप्तान श्रेयस अय्यरले शानदार शतक प्रहार गरेपछि पन्जाब किङ्सले आईपीएल २०२६ मा लखनउ सुपर जायन्ट्सलाई पराजित गर्दै प्लेअफ सम्भावना कायमै राखेको छ ।

लखनउले दिएको १९७ रनको लक्ष्य पन्जाबले १८ ओभरमा ३ विकेटको क्षतिमा पूरा गर्‍यो । कप्तान श्रेयसले विजयी छक्का प्रहार गर्दै शतक पनि पूरा गरे । उनी ५१ बलमा १०१ रनमा अविजित रहे ।

प्रभसिमरन सिंहले ६९ रन बनाए । कूपर कोनोलीले १८ रन बनाउँदा सुर्यांश शेड्गे ९ रनमा अविजित रहे । लखनउका मोहम्मद शामीले २ विकेट लिँदा अर्जुन तेन्दुल्करले १ विकेट लिए ।

त्यसअघि टस हारेर पहिले ब्याटिङको निम्तो पाएको लखनउले २० ओभरमा ६ विकेट गुमाएर १९६ रन बनाएको थियो । ओपनर जोश इङ्लिसले सर्वाधिक ७२ रन बनाए । आयुष बदोनीले ४३ रन बनाउँदा अब्दुल समद ३७ रनमा अविजित रहे ।

पन्जाबका लागि मार्को यानसेन र युजभेन्द्र चहलले २-२ विकेट लिए भने विजयकुमार वाइशाक र अजमतुल्लाह ओमरजाइले १-१ विकेट लिए ।

जितपछि पन्जाबको १४ खेलमा १५ अंक भएको छ र चौथो स्थानमा उक्लिएको छ । अब आइतबार हुने दुई खेलबाट प्लेअफ पुग्ने अन्तिम टोलीको टुंगो लाग्नेछ ।

Adblock test (Why?)

९ जेठ, काठमाडौं । गोल्डेन गर्लको रुपमा चिनिँदै आएकी नेपालकी ओलम्पियन धावक सन्तोषी श्रेष्ठ पछिल्लो समय विभिन्न विधामा कीर्तिमानहरु तोड्दै रेकर्ड गर्लको रुपमा चिनिन थालेकी छन् ।

महिलातर्फ ओलम्पिकदेखि मध्यम दूरीमा कीर्तिमान बनाउँदै आएकी सन्तोषीले शनिबार १५०० मिटरमा पनि नयाँ राष्ट्रिय कीर्तिमान बनाएकी छिन् ।

गोल्डेन गर्लको उपमा पाएकी सन्तोषीले भारतको झारखण्डमा आयोजित २९औं नेशनल सिनियर एथलेटिक्स फेडेरेसन कम्पिटिसन २०२६ मा महिला १५०० मिटरतर्फ शुक्रबार नयाँ कीर्तिमान कायम गरेकी हुन् ।

१५०० मिटरमा पनि नयाँ राष्ट्रिय कीर्तिमान बनाउँदै उनी एकै वर्ष सात राष्ट्रिय कीर्तिमान बनाउने कीर्तिमानी धाविका बनेकी छन् ।

एथ्लेटिक्समा सामान्यतया लामो दुरी र मध्यम दुरीमा एकै सिजनमा कीर्तिमान बनाउनु दुर्लभ मानिन्छ । तर सन्तोषीले भने आफूलाई हरेक दूरीको दौडको लागि तयार पार्दै आएकी छन् ।

सन्तोषीले १५०० मिटर दुरी ४ मिनेट २७:३५ मिनेटमा पूरा गर्दै सरस्वती भट्टराईले सन् २०१६ मा ब्राजिलमा भएको रियो ओलम्पिकमा बनाएको कीर्तिमान तोडेकी हुन् । सरस्वतीले ४ मिनेट ३३:९४ मिनेटको कीर्तिमान बनाएकी थिइन् । सन्तोषीले ०६:५९ सेकेण्डले त्यो कीर्तिमान तोडेकी हुन् ।

एथलेटिक्स फेडेरेसन अफ इण्डियाको निमन्त्रणा र नेपाल एथलेटिक्स संघको सिफारिसमा सन्तोषीले यस प्रतियोगितामा प्रतिस्पर्धा गरेको सन्तोषीका दाजु केदार श्रेष्ठले जानकारी दिए ।

भारतको झारखण्डको राँचीस्थित बिर्स मुण्ड स्टडियममा शुक्रबार राति भएको उक्त उक्त स्पर्धामा सन्तोषी छैटौं भएकी थिइन् ।

यसअघि उनले २०८२ चैतको अन्तमा पोखरा खुल्ला एथलेटिक्स मिटमा महिला ३००० मिटरमा ३५ वर्षअघिको राष्ट्रिय कीर्तिमान तोड्दै नयाँ राष्ट्रिय कीर्तिमान बनाएकी थिइन् ।

त्यस्तै गत मंसिरमा स्पेनको भ्यालेन्सिया म्याराथनमा सन्तोषीले २ मिनेट २७ सेकेण्डले आफ्नै नाममा रहेको राष्ट्रिय कीर्तिमान भङ्ग गर्दै नयाँ राष्ट्रिय कीर्तिमान बनाएकी थिइन् । उनले २ घण्टा ४० मिनेट २३ सेकेण्डमा म्याराथन (४२.२ कि.मि. पुरा गर्दै वि.सं. २०८२ कै बैशाखमा लण्डन म्याराथन (२:४२:५०)मा बनाएको राष्ट्रिय कीर्तिमानलाई भंग गरेकी थिइन् ।

त्यस्तै गत असोजमा सन्तोषीले दिल्ली हाफ म्याराथनमा हाफ म्याराथनको राष्ट्रिय कीर्तिमान बनाएकी थिइन् । २०८० साल कात्तिकमा भारतको राँचीमा भएको साउथ एसियन सिनियर एथलेटिक्स च्याम्पियनसिपमा ५ हजार मिटर र १० हजार मिटर दौडमा पनि दुई कांस्य पदक जित्दै दुई नयाँ राष्ट्रिय कीर्तिमान बनाएकी थिइन् ।

सन् २०१९ मा काठमाडौंमा भएको १३ औं दक्षिण एसियाली खेकुदल (साग)मा सन्तोषीले नेपालका लागि एथलेटिक्सतर्फ स्वर्ण पदक जित्ने पहिलो नेपाली महिला खेलाडीको रुपमा इतिहास रचेकी थिइन् ।

त्यसबेला मिलिसेकेण्डले भारतीय धावकलाई पछि पार्दै ऐतिहासिक स्वर्ण जितेपछि सन्तोषी नेपाली एथलेटिक्समा गोल्डेन गर्लको उपमाले चिनिन्छन् ।

Adblock test (Why?)