केदार खड्का

संसदीय लोकतन्त्रका प्रमुख चार स्तम्भ राष्ट्रपति, सभामुख, प्रधानमन्त्री र प्रतिपक्षको सामूहिक असफलताले गम्भीर प्रश्न उभ्याएको छ– के हाम्रो लोकतन्त्र अझै पात्रकेन्द्रित नै छ? प्रक्रिया र संस्थागत संस्कृतिमाथि आधारित बन्न सकेको छैन?

संविधानका प्रावधानहरू केवल कागजी होइनन्, तिनले गाउँदेखि शहरसम्म, शिक्षा, न्याय, उद्योग, श्रम र नागरिक जीवनका सबै पक्षमा प्रत्यक्ष प्रभाव पार्छन्। त्यसैले संशोधन प्रक्रिया खुला, समावेशी र व्यापक संवादमा आधारित हुनुपर्छ।