सञ्चार तथा सूचना प्रविधि मन्त्रालयले सार्वजनिक गरेको नयाँ मापदण्ड अनुसार अब नेपालमा आईटी अफिसरको तलब मासिक २ लाखसम्म हुने बाटो खुलेको छ। यो निर्णयले आईटी क्षेत्रमा दक्ष युवालाई नेपालमै अवसर दिनेछ। नेपालमा आईटी अफिसरको तलब बढेसँगै दक्ष जनशक्ति विदेश पलायन रोक्ने र प्रविधि क्षेत्रमा युवाको आकर्षण बढाउने अपेक्षा गरिएको छ।
सञ्चार तथा सूचना प्रविधि मन्त्रालयले अब नेपालमा दक्ष आईटी अफिसरले मासिक २ लाख रुपैयाँसम्म तलब पाउने बाटो खोलेको छ। मन्त्रालयले आज सार्वजनिक गरेको ‘सूचना प्रविधि प्रणालीको विकास तथा परामर्श सेवाको लागत अनुमान सम्बन्धी नर्म्स, २०८२’ अनुसार आईटी प्रोफेशनल्सका लागि नयाँ पारिश्रमिक दर तोकिएको हो।
मन्त्रालयले सार्वजनिक खरिद नियमावली, २०६४ को नियम १२ ले दिएको अधिकार प्रयोग गर्दै यो मापदण्ड ल्याएको हो। सञ्चार तथा सूचना प्रविधिमन्त्री पृथ्वी सुब्बा गुरुङका अनुसार यस कदमले दक्ष जनशक्तिलाई नेपालमै रोजगारीमा आकर्षित गर्ने र विदेशी पलायन रोक्न मद्दत गर्नेछ।
कुन जनशक्तिले कति पाउनेछन् तलब?
मन्त्रालयले जारी गरेको मापदण्डअनुसार विभिन्न आईटी पदका लागि पारिश्रमिक यस प्रकार निर्धारण गरिएको छ:
- परियोजना प्रबन्धक / आईटी टिम लिडर
- योग्यताः स्नात्तकोत्तर
- अनुभवः कम्तीमा ५ वर्ष
- मासिक पारिश्रमिक: २ लाख रुपैयाँसम्म
- SOC Analyst (L-3), डिजिटल फरेन्सिक विश्लेषक, जोखिम जासुसी विशेषज्ञ
- योग्यताः स्नातक
- अनुभवः ५ वर्ष
- मासिक पारिश्रमिक: १ लाख ७२ हजार
- सिस्टम आर्किटेक्ट र विश्लेषक
- योग्यताः स्नातक + सम्बन्धित प्रमाणिकरण
- अनुभवः ५ वर्ष
- मासिक पारिश्रमिक: १ लाख ६० हजार
- सिनियर डाटाबेस डिजाइनर, सिनियर सफ्टवेयर/वेब/एन्ड्रोइड डेभलपर
- अनुभवः ५ वर्ष
- मासिक पारिश्रमिक: १ लाख ४० हजार
- क्लाउड तथा इन्फ्रास्ट्रक्चर विशेषज्ञ (५ वर्ष अनुभव) + API मा ३ वर्ष अनुभव
- मासिक पारिश्रमिक: १ लाख २५ हजार
- वलनरेबिलिटी एक्सेसर, इथिकल ह्याकर, एप्लिकेशन सेक्युरिटी इन्जिनियर, थ्रेट एनालिस्ट
- अनुभवः २ वर्ष
- मासिक पारिश्रमिक: १ लाख १० हजार
- Information Security Officer, SOC Analyst
- अनुभवः ३ वर्ष
- मासिक पारिश्रमिक: १ लाख ५ हजार
- डेटाबेस एडमिनिस्ट्रेटर, QA Analyst, सफ्टवेयर टेस्टर, IT Auditor, System/Network Administrator
- अनुभवः ३ वर्ष
- मासिक पारिश्रमिक: ९० हजार
- सफ्टवेयर/वेब/मोबाइल डेभलपर, डिजाइनर, ट्रेनिङ स्पेसलिस्ट
- अनुभवः २ वर्ष
- मासिक पारिश्रमिक: ८० हजार
- जुनियर डेभलपर (अनुभव नभएका)
- मासिक पारिश्रमिक: ४० हजार
प्रभाव
विशेषज्ञहरूको मूल्याङ्कनअनुसार सरकारले ल्याएको नयाँ मापदण्डले दक्ष आईटी जनशक्तिलाई सरकारी निकायमा आकर्षित गर्ने सम्भावना बढाउँछ।
- क्यान महासंघका वरिष्ठ उपाध्यक्ष चिरञ्जिवी अधिकारीका अनुसार, यसले युवा पलायन रोक्न मद्दत पुर्याउनेछ र ‘डिजिटल नेपाल फ्रेमवर्क’ को लक्ष्य पुरा गर्न महत्त्वपूर्ण योगदान दिन्छ।
- सूचना प्रविधि विज्ञ मनोहर भट्टराईले भने, यो कदमले विदेशी महंगा परामर्शदाता भित्र्याउने आवश्यकता घटाउने र स्थानीय दक्ष जनशक्ति प्रयोग बढाउनेछ।
- नेपाल चेम्बर अफ कमर्सका सूचना प्रविधि शाखाका अध्यक्ष विज्ञान श्रेष्ठका अनुसार, यसले युवालाई सरकारी जागिरतर्फ आकर्षित गर्ने र प्रविधि क्षेत्रमा सकारात्मक वातावरण सिर्जना गर्नेछ।
साथै, सफ्टवेयर प्रणालीको वार्षिक मर्मत सम्भार खर्च निर्धारण गर्दा विकास खर्चको २०% भन्दा बढी नहुने प्रावधान राखिएको छ। यसले सरकारी निकायहरूमा लागत अनुमानलाई पारदर्शी र यथार्थपरक बनाउने अपेक्षा गरिएको छ।
नेपालमा आईटी अफिसरको तलब: प्रभाव र भविष्य
नेपालमा आईटी अफिसरले मासिक २ लाख तलब पाउने बाटो खुल्नु प्रविधि क्षेत्रमा ठूलो सकारात्मक कदम मानिन्छ। यसको प्रभाव र महत्व यस प्रकार छ:
प्रविधि क्षेत्रमा युवाको आकर्षण बढाउने:
उच्च तलब र स्पष्ट मापदण्डले युवाहरूलाई प्रविधि क्षेत्रमा करियर बनाउन प्रेरित गर्दछ। यसले निजी क्षेत्र र सरकारी दुवै क्षेत्रमा दक्ष जनशक्ति उत्पादनमा सकारात्मक प्रभाव पार्नेछ।
सरकारी सेवाको गुणस्तरमा सुधार:
दक्ष आईटी जनशक्तिलाई उचित पारिश्रमिक दिने मापदण्डले सरकारी कार्यालयमा काम गर्ने आईटी अफिसरहरूको काममा प्रेरणा बढाउँछ। जसले सफ्टवेयर विकास, प्रणाली सञ्चालन, सुरक्षा र परामर्श सेवाहरूको गुणस्तर सुधार गर्न मद्दत पुर्याउँछ।
दक्ष युवाहरूको नेपालमै रोजगारीमा टिकाउने:
लामो समयदेखि न्यून तलब र सुविधाका कारण दक्ष जनशक्ति विदेश पलायन हुँदै आएको थियो। अब उचित पारिश्रमिकको व्यवस्था हुँदा दक्ष युवाहरू नेपालमै रोजगारीमा टिक्ने सम्भावना बढ्छ।
डिजिटल नेपाल फ्रेमवर्कको लक्ष्य प्राप्तिमा योगदान:
यस कदमले डिजिटल सेवाहरूको गुणस्तर सुधार गर्दै ‘डिजिटल नेपाल फ्रेमवर्क’ को लक्ष्य पूरा गर्न महत्वपूर्ण योगदान पुर्याउँछ। दक्ष जनशक्तिको स्थायी उपलब्धता डिजिटल परियोजनाहरूमा दीर्घकालीन सफलता सुनिश्चित गर्न मद्दत गर्नेछ।
🌐 हाम्रो वेबसाइट: globalsambadmedia.com
👉 Global Sambad Network पेजलाई आजै Follow गर्नुहोस् र सबै नयाँ अपडेटहरू पाइरहनुहोस्!
