महिनावारीपछि गर्भ बस्ने सम्भावना कहिले बढी हुन्छ?
महिनावारीपछि गर्भ बस्ने सम्भावना बढी हुन्छ भन्ने प्रश्न धेरै दम्पतीको जिज्ञासा हो।
रजस्वला चक्रको विभिन्न चरणले महिलाको शरीरमा हुने जैविक परिवर्तन र गर्भधारणको सम्भावना निर्धारण गर्छ।
धेरैलाई लाग्ने अर्को प्रमुख जिज्ञासा हो – रजस्वला पछि कति दिनमा गर्भ बस्ने सम्भावना हुन्छ?
रजस्वला चक्र र गर्भधारणबीचको गहिरो सम्बन्ध
गर्भधारणको सम्भावना महिलाको महिनावारी चक्र (Menstrual Cycle) मा निर्भर गर्दछ। साधारणतया, यो चक्र २८ दिनको हुन्छ, तर यो २१ देखि ३५ दिनसम्म पनि हुन सक्छ। यही मितिलाई नै आधार मानेर गर्भ रहने समय कहिले उच्च छ भनेर अनुमान गर्न सकिन्छ।
महिनावारीपछि गर्भ बस्ने समय पहिचान गर्ने उपाय
करिब १४ औँ दिनमा अण्डा (Ovulation) निस्किन्छ। यही बेला यदि यौन सम्पर्क भयो भने गर्भ रहन सक्ने सम्भावना अत्यधिक हुन्छ। अण्डा निस्किएपछि १२–२४ घण्टा भित्र निषेचन (Fertilization) हुनुपर्छ। वीर्य (Sperm) महिलाको शरीरमा लगभग ३ दिनसम्म जीवित रहन सक्छ। यस हिसाबले, महिनावारी भएको १२ देखि १८ दिनभित्र यौन सम्पर्क भएमा गर्भ रहने सम्भावना उच्च हुन्छ। अण्डा १२ देखि २४ घण्टासम्म बाँच्न सक्छ र सो समयभित्र यौन सम्पर्क भएमा निषेचन सम्भव हुन्छ।
महिनावारीपछि गर्भ बस्ने प्रक्रिया र सम्भावना
महिनावारीपछि प्रत्येक महिना महिलाको अण्डाशयबाट एउटा अण्डा निस्किन्छ। अण्डा उत्पादन भइरहेको समयमा यौन सम्पर्क हुँदा शुक्रकीटले अण्डालाई निषेचन गर्न सक्छ।
निषेचित अण्डा पाठेघरमा पुग्नासाथ गर्भ रहन्छ। यो प्रक्रियाका लागि शुक्रकीट योनी र पाठेघर हुँदै डिम्ब नलीमा पुग्नु आवश्यक हुन्छ। निषेचनपछि अण्डा डिम्बबाहिनी नलीको मद्दतले अण्डाशय छोड्छ र गर्भाशयमा पुग्छ।
महिनावारीपछि गर्भधारणका लागि सही समय कुन हो?
महिनावारीको पहिलो दिनदेखि दशौं दिनसम्म गर्भधारणको सम्भावना कम हुन्छ।
तर, महिनावारीपछिको १२ देखि १८ दिनको अवधिमा भने सम्भावना उच्च रहन्छ। यो अवधिलाई उपजाउ समय (fertile window) भनिन्छ।
ओभुलेसन एप र उपजाउ समयको पहिचान कति भरपर्दो?
याद गर्न सहज होस् भन्ने हिसाबले ओभुलेसन एपहरू प्रयोग गरिन्छ।
संसारभर ४०० भन्दा बढी प्रजनन एपहरू ‘फ्यामटेक’ नामले परिचित छन्। यस्ता एपले महिलालाई डिम्बाशय निस्कने समय थाहा पाउन मद्दत गर्छन्।
तर, यस्ता एपको विश्वसनीयता सन्देहास्पद छ। अस्ट्रेलियाका अनुसन्धानकर्ताले गरेको एक अध्ययन अनुसार ३६ मध्ये केवल ४२.७% एपले मात्र सही मिति दिन सक्छन्। वाशिङ्टनको जर्जटाउन विश्वविद्यालयका अनुसन्धानमा ३० मध्ये २४ वटा एपले गलत मिति दिएका थिए।
त्यसैले, एपको भर नपरी क्यालेन्डरको माध्यमबाट महिनावारी मिति लेखी दिन गनेर सही समय पत्ता लगाउनु राम्रो हुन्छ।
गर्भधारणसँग सम्बन्धित अण्डा निस्कने बेला यौन इच्छा बढ्ने तथ्यहरू
अधिकांश महिलामा अण्डा निस्किने केही दिनअघि यौन सम्बन्धको इच्छा तीव्र हुन्छ।
यसबेला एस्ट्रोजन हर्मोनको स्तर बढ्छ, जसले यौन इच्छा बढाउँछ। क्यानडाको एक विश्वविद्यालयमा गरिएको अध्ययन अनुसार, अण्डा निस्किने तीन दिनपहिला महिलाले औसतमा दिनमा १.३ पटक यौन सम्बन्धबारे सोच्ने गर्छन्, जबकि अन्य समयमा यो संख्या ०.७७ मात्र हुन्छ।
महिनावारीपछि गर्भधारणको निष्कर्ष
महिनावारीपछिको १२ देखि १८ औं दिनभित्रको समय “उपजाउ समय” हो।
यही अवधिमा शारीरिक सम्बन्ध राखेमा गर्भ रहने सम्भावना उच्च हुन्छ। महिनावारी चक्र ट्र्याक गरी र स्वास्थ्य सल्लाह लिएर सहज रूपमा गर्भधारण योजना बनाउन सकिन्छ।
👉 Global Sambad Media मा तपाईंले दैनिक राशिफल, स्वास्थ्य, वैदेशिक रोजगार, र जीवनशैलीसम्बन्धी उपयोगी र भरपर्दो सामग्री पाउनुहुन्छ।
जानकारीका लागि हामीसँगै रहनुहोस्।
👍 हाम्रो फेसबुक पेजहरू:
🔹 Global Sambad Network
🔹 Global Sambad Secondary
🌐 वेबसाइट: globalsambadmedia.com
📢 समृद्ध सोच र नवीनतम जानकारीका लागि Global Sambad सँग जोडिनुहोस्।
