रोल्पा दुर्घटना

छोरी अमेरिका उड्ने तयारीमा थिइन्, परिवार नयाँ घर सर्ने तरखरमा थियो । त्यही खुसी साट्न र भाकल बुझाउन रोल्पाको जलजला हिँडेको एउटै नाताका दुई परिवारका हजुरबुवादेखि नातिसम्म ९ सदस्यले एकैसाथ ज्यान गुमाएका छन् ।

९ जना सिस्ने–५ टाकुराका र एक जना भूमे गाउँपालिका–५ का व्यक्ति रहेको वडाध्यक्ष बिरेन्द्र बस्नेतले जानकारी दिए । उनका अनुसार, एकै परिवारका दुई दाजुभाइका ७ जनाले दुर्घटनामा ज्यान गुमाएका हुन् ।

थवाङ गाउँपालिका–१ जलजलामा रुकुमपूर्वबाट जलजलातर्फ जाँदै गरेको जिप बिहीबार दिउँसो भिरबाट करिब ८ सय मिटर तल खसेर दुर्घटना भएको थियो ।